Skip to main content

അസ്തമിയ്ക്കുന്ന ജീവവിന്യാസങ്ങൾ

അസ്ഥിപഞ്ജരങ്ങളുടെ
ഹിമവത്സാനുക്കളാണ്
മുൻപിൽ.

ആർത്തിരമ്പുന്ന
രക്തവർണ്ണമാർന്ന കടൽ
പുറകിൽ.



സ്നേഹം കരിഞ്ഞുണങ്ങിയ
ദേഹങ്ങൾ വെന്തു വീണ
മരുഭൂമി പാർശ്വങ്ങളിൽ.

ഒരു നെടുവീർപ്പ്.

ഈ ഒറ്റയടിപ്പാതയ്ക്ക്
തീരെ വീതി പോര.
ഞാനടുക്കുന്തോറും
ഇടുങ്ങുകയാണത്.

ഇരുവശത്ത്നിന്നുമുള്ള കാറ്റ്
മുഖത്തെ
ഞെരിച്ചു കളയുകയാണ്.

എന്റെ സ്തനങ്ങളെയത്
പറിച്ചെടുത്തു.
എന്റെ യോനിയെയത്
വലിച്ചുകീറി.

വാർന്ന രക്തം കടലിലേയ്ക്ക്...
മൂർന്ന മാംസം മരുഭൂവിലേയ്ക്ക്...
വേറിട്ട അസ്ഥികൾ ഗിരിയിലേയ്ക്ക്...

അടുത്തവർ വരുമിനി,
ആദ്യമിതുകണ്ട് വീർപ്പുമുട്ടി,
പിന്നെയെന്നെപ്പോലെ ചാകാൻ...
Labels:

Comments

  1. Noushad KoodaranhiMay 28, 2011 at 1:55 PM

    വല്ലതുമൊക്കെ നടക്കുമോ രഞ്ജിത്ത്....?

    ReplyDelete
  2. NiKHiL | നിഖില്‍May 28, 2011 at 1:57 PM

    തുറന്നു പറയാലൊ, മുഴ്വോനും അങ്ങട് മനസ്സിലായില്ല്യ..

    ReplyDelete
  3. രഞ്ജിത്ത് കണ്ണൻകാട്ടിൽMay 28, 2011 at 2:13 PM

    @നൌഷാദ്ക്കാ

    കണ്ടറിയണം....

    @കുഞ്ഞൂട്ടൻ...

    ഒരു ലളിതമായ അർഥമേ ഉദ്ദേശിച്ചുള്ളൂ...
    മാറ്റങ്ങൾ വരുത്താൻ തുനിഞ്ഞിറങ്ങുന്നവർ സ്വയം അതിനു വിധേയരാകുന്ന കാഴ്ച്ചയല്ലേ ചുറ്റും...ഏത് മേഖലയിലായാലും...
    പ്രതികരിയ്ക്കേണ്ടവർ പഞ്ചപുച്ഛമടക്കി കീഴടങ്ങുന്ന കാഴ്ച്ച... :)

    അർഥമൊന്നും തോന്നിയില്ലേലും സാരല്യാന്നെ... :P

    ReplyDelete
  4. നാമൂസ്May 28, 2011 at 3:01 PM

    ഇവിടെ ഭവിയ്ക്കുന്ന രാസമാറ്റങ്ങള -
    ഭംഗുരമീവിധമായിത്തുടരുന്നു
    തമസും വെളിച്ചവും പര്യായമെന്നോതി
    ചങ്ങാത്തമാകുന്നിരകളും വേടനും

    ReplyDelete
  5. രഞ്ജിത്ത് കണ്ണൻകാട്ടിൽMay 29, 2011 at 11:49 AM

    @നാമൂസ്...

    അതെ...
    ഇതെല്ലാം തുടരും...
    പ്രത്യാശകളും അസ്തമിച്ചു.

    ReplyDelete

Post a Comment

Popular posts from this blog

'മാറാല'ത്വം

മാ റാല കണക്കാണ്, അടുക്കളയിലെ എന്റെ അമ്മ. ഇളംകാറ്റിന്റെ കൈതട്ടിലും വല്ലാതങ്ങുലയും. പുക വിഴുങ്ങി കറുത്തുകൊണ്ടിരിയ്ക്കുന്ന അവര്‍ മണ്ണെണ്ണവിളക്കിന്റെ, ചൂരുള്ള പ്രദര്‍ശനശാലയാണ്. ഓടോട്ടയിലെ അഴികളിട്ട വെളിച്ചമാണ് അമ്മയ്ക്കും മാറാലയ്ക്കും ചിലപ്പോഴെങ്കിലും തിളക്കമേറ്റുന്നത്. മച്ചിലെ പൊടിക്കരുത്ത് മാറാല തടുക്കുന്നത്, ഇന്നിലെ വികടധൂളികളെ അമ്മ എന്നില്‍ നിന്നും അരിച്ചകറ്റാറുള്ളത് പോലെയാണ്. നാലുകെട്ടിനകത്തെ കാരണവ ചര്‍ച്ചകളില്‍ നിന്നും ഒരോലത്തുമ്പാലെന്ന പോലെ തൂത്തു കളയപ്പെട്ടിട്ടുണ്ട്,പലപ്പോഴും. കാലം കടിച്ചുകീറാത്ത, ഇഴപിരിയ്ക്കാനാകാത്ത, സ്നേഹകഞ്ചുകമായി ഒരു മാതാവും ഒരു മാറാലയും എന്നെ ചുറ്റിക്കൊണ്ടേയിരിയ്ക്കുന്നു.
66 comments
Read more

ബസ് കണ്ടക്ടർമാരുടെ തന്തയില്ലായ്മത്തരങ്ങൾ

ബസ് കണ്ടക്ടര്‍മാരുടെ തന്തയില്ലായ്മത്തരങ്ങള്‍ ഈ നശിച്ചവന്മാര്‍ക്ക് ഞങ്ങളോടെന്താണിത്ര പക....? ഇന്നലത്തെ മാത്രം സംഭവങ്ങള്‍(26-05-2011)  ഞാന്‍ പഠിക്കണത് തൃശ്ശൂര്‍ എന്‍ ജിനീയറിംഗ് കോളേജിലാണെന്നറിയാലോ...യൂണിവേഴ്സിറ്റീടെ കൊണം കൊണ്ട് ഞങ്ങളുടെ പരീക്ഷ മിക്കവാറും ഏപ്രില്‍-മെയ് മാസങ്ങളിലാണ് വരിക.പക്ഷേ നമ്മുടെ പ്രിയ സുഹൃത്തുക്കളായ കണ്ടക്ടര്‍മാര്‍ക്ക് കണ്ടകശനി ബാധിക്കുന്ന സമയമായെന്നു തോന്നുന്നു....
17 comments
Read more

നാലുമണിക്കാരന്റെ നാരായണീയം

"നാരായണാ...!" "നാരായണനല്ലെടോ മാപ്പിളേ. നായരാ. ശിവന്‍ നായര്‍ " മാപ്പിളയ്ക്ക് 'വിജിലു' തലയ്ക്കടിച്ചപ്പോ ഓര്‍മ്മ പോയതാകാമെന്ന് സഹൃദയമതം. അതെന്തെങ്കിലുമാകട്ടെ,ഏതായാലും എന്‍ എസ് എസ്സിന്റെ വിശുദ്ധപടക്കുറുപ്പ് നമുക്കിട്ട് കിടിലനൊരു കൊട്ടിങ്ങു തന്നില്ലേ....ഭൂരിഭാഗം വരുന്ന എന്റെ പ്രിയ സഹോദരീസഹോദരന്മാരും അതിന്റെ തിക്തഫലം അനുഭവിച്ചുകൊണ്ടിരിയ്ക്കുകയാണല്ലോ. വേറൊന്നുമല്ലെടൊ...നമ്മൂടെ ബസ്സ് ചാര്‍ജ്ജ് വര്‍ധന തന്നെ... "പത്തു കിട്ടുകില്‍ നൂറു മതിയെന്നും ശതമാകില്‍ സഹസ്രം മതിയെന്നും" പണ്ടെയ്ക്ക് പണ്ടേ പൂന്താനം തിരുമേനി കുറിച്ചിട്ടത് ഈ ബസ്സുടമകളെ ഉദ്ദേശിച്ച് തന്നെ. 6.50 രൂപാ മിനിമം ബസ്ചാര്‍ജ്ജ് ആക്കണമെന്ന് കാറിയിരുന്ന പ്രിയ 'ബസ്മൂ'സിനറിയാമല്ലോ, ഓടുന്ന പട്ടി കാലു മനഃപൂര്‍വ്വം കുടുക്കാനായി ഒരു മുഴം മുന്‍പേ വന്ന് വടിയ്ക്കു കുറുകേ നില്ക്കുമെന്ന്.നഗരത്തിലെ വസ്ത്രശാലകളില്‍ ക്ലിയറന്‍സ് സെയില്‍ നടത്തുന്നതുപോലെയാണിവിടെ ഇടപാട്. കടയുടമകള്‍ = അഖിലകേരളബസ്സുടമാവിഢ്ഢ്യാസുര മന്ത്രിസഭാസഖ്യം എന്ന ഒരു ചെറിയ വ്യത്യാസമേ ഉള്ളൂ. ഉപഭോക്താക്കള്‍ 'അത്യുത്തരസ്യാം ദിശി ദേവതാത്മാ...
30 comments
Read more