കരിക്കട്ടയിൽ ചെമ്പ് പാകിയ, തലങ്ങും വിലങ്ങും ചാലകനൂലുകൾ നീട്ടിയ കറുമ്പൻ കുടവയറൻ. കെട്ടിയ നാവിൽ, ഉപ്പിട്ട കൺചരുവങ്ങളിൽ, പതിയാതെ, പറയുവാൻ വയ്യാതെ പോയ, കാഴ്ചമുഴക്കങ്ങളുണ്ടിതിൽ. ഗതകാലപ്രണയത്തിൻ, ഉൾത്തീ പെരുക്കുവാൻ ജസ്സിയുണ്ട് സുലേഖയുണ്ട്. ആശുപത്രിക്കോലായിലെ ധൂർത്തവൃത്താന്തങ്ങൾ, ഉള്ളാടാക്കുടി പോലും വിടാതെ കട്ട കാഴ്ചകൾ. അകമരച്ച് പൊതിഞ്ഞു തിരിയിട്ട അമിട്ടാണകക്കാമ്പ്. ശിരസ്സുതാങ്ങുന്ന കാളകൂടദ്യുതി, നീലദന്തബാണങ്ങളായ് പറന്ന് പാഞ്ഞ്, അപരശിരസ്സേറുന്നു. പിന്നെയും പിന്നെയും ദിക്കാകെ പരക്കുന്നു.